Ерөнхий зохион байгуулагч:
- БНХАУ-ын Худалдааны Яам
- БНХАУ-ын Хөгжил Шинэтгэлийн Үндэсний Хороо
- БНХАУ-ын Олон Улсын Худалдааг Дэмжих Хороо
- Жилинь мужийн Ардын Засгийн Газар
Экспо зохион байгуулагдах хугацаа: 2023 оны 8 сарын 23-27-ны өдрүүдэд
Байршил: Жилинь мужийн Чанчунь хотын “Олон улсын хурал үзэсгэлэнгийн төв”
“БНХАУ-Зүүн Хойд Азийн Экспо” нь худалдаа, хөрөнгө оруулалтын хурал, форум, соёлын солилцоо, үзэсгэлэнгээр дамжуулан Зүүн Хойд Азийн Хятад , Өмнөд Солонгос, Умард Солонгос, Япон, Монгол, Орос зэрэг 6 улс оролцдог өргөн цар хүрээг хамарсан, өндөр түвшний арга хэмжээ бөгөөд гол зорилго нь Зүүн Хойд Азийн орнуудын эдийн засгийг хөгжүүлэх, хамтын ажиллагааг сайжруулах, тогтвортой ажиллагаагаар хангахад оршино.
Арга хэмжээний гол хэсэг болох Зүүн Хойд Азийн орнуудын Экспо нь нийт 9 танхимд дэлгэгддэг бөгөөд улс орон бүр өөрийн онцлох бүтээгдэхүүн, шинэ дэвшилтэт технологи, үйлчилгээг сурталчлан оролцдог.
Энэхүү экспогийн Зүүн Хойд Азийн бараа бүтээгдэхүүний танхимд Монгол Улсын хэсэгт улсаа төлөөлөн оролцох онцлог, экспортлох боломжтой, чанартай бараа бүтээгдэхүүн үйлдвэрлэгч ААН-үүдийг бүртгэж байна.
Үзэсгэлэнгийн албан ёсны вэбсайт
Бүртгэлийн хугацаа: 2023 оны 7 сарын 26-нийг хүртэл
/Талбай дүүрсэн тохиолдолд бүртгэл заасан хугацаанаас өмнө хаагдахыг анхаарна уу/
Төрөлжүүлсэн бүртгэл хийх тул бараа бүтээгдэхүүний төрлөөс хамааран бүртгэлийн тоо хязгаартайг анхаарна уу.
Бүртгүүлэх хүсэлтэй ААН-үүд хавсралт мэдээллүүдийг татан авч танилцан, бүртгэлийн хуудсын дээрх заавар журмын дагуу бүртгэлээ илгээнэ үү.
Хавсралт: Бүртгэлийн хуудас, Зардлын мэдээлэл
Холбоо барих:
Үзэсгэлэн яармагийн газар
Утас: 77277070-/4/, 90006950
