TэнГэр Телевиз, Нийслэлийн Бизнес инновац хөгжлийн газартай хамтран “Дата Дуран” дататон тэмцээнийг 3-р сарын 18-19-ний өдрүүдэд Улаанбаатар Инновацын Төвд зохион байгуулах гэж байна.
Дататон нь Монгол Улсын засаг захиргааны нэгжид тулгарч буй ямар нэг тэгш бус байдлыг тодруулах зорилготой бөгөөд багууд сэдвийн дагуу нээлттэй өгөгдлийг судалж, шинжлэн өрсөлдөх юм.Багууд “Тэгш бус байдал” сэдвийн хүрээнд өгөгдлийг шинжлэх бөгөөд дараах үндсэн дөрвөн чиглэлийг санал болгож байна:
Нийтийн тээвэр
Агаарын бохирдол
Түгжрэл
Орон сууцжуулалт
Оролцогчид нээлттэй өгөгдлөөс гадна нэмэлтээр өөр эх сурвалж ашиглан өгөгдлөө баяжуулж шинжилгээ хийх бүрэн боломжтой. Оролцогчдын сонгосон сэдэв болон шинжилгээнд тулгуурлан шүүгчид 10 багийг дараагийн шатанд шалгаруулах ба шалгарсан оролцогчид сургалт зөвлөгөөнд хамрагдан өөрсдийн өгөгдөл, санаагаа танилцуулна. Оролцогч баг гурав хүртэлх хүний бүрэлдэхүүнтэй байх ба гишүүд өгөдлийн шинжээч, өгөгдлийн сэтгүүлч, өгөгдлийн шинжээчээр суралцдаг оюутан, судлаач, сонирхогч гэх мэт төрөл бүрийн салбарын залуучуудаас бүрдэнэ.
Оролцогчдыг дататонд оролцох хугацаанд тус салбарын туршлагатай мэргэжилтнүүд зөвлөхөөр ажиллах болно.
Шагналын сан 
1-р байр: ₮5,000,000
2-р байр: ₮3,000,000
3-р байр: ₮2,000,000
Дататоны бүртгэл 3-р сарын 05-ны ӨДРИЙН 12:00 цагт хаагдана. Оролцогчид бүртгэл хаагдсан өдөр нээлттэй өгөгдлийг имейлээр хүлээж авна. Оролцогч хувиараа эсвэл багаар бүртгүүлэх боломжтой.
Хамтран ажиллагч байгууллагууд:– Нийслэлийн Бизнес Инновац хөгжлийн газар
– Улаанбаатар Инновацын Төв
Дэмжигч байгууллагууд@Үндэсний Статисткийн Хороо
@Public Lab Mongolia
@Machine Learning UB
@Тунгаахуй Өгөгдлийн Урлан
Бүртгэлийн линк:
https://bit.ly/3Izbu8V
https://bit.ly/3Izbu8V
