Хүн бүрийн бэрхшээлийг даван туулах чадамж өөр байдаг. Гэтэл олон хүн тууштай л байж чадвал, эсвэл цаг, минут, секунд бүрийг нарийн ашиглаж чадвал амьдралдаа тохиох бүхий л бэрхшээлийг даван туулна гэж боддог. Гэвч сүүлийн үед тархи судлал болон бусад шинжлэх ухаанд авч үзэж буйгаар энэ бүхэн тухайн хүнийг нэг байрандаа гацах, зогсонги байдалд орох хүчин зүйл болдог байна. Хувь хүн аливаа бэрхшээлийг даван туулж чадахгүй байгаа нь бодит үнэнтэйгээ нүүр тулж чаддаггүйтэй холбоотой аж. Тухайлбал, Америкийн HeartMath институтийн үзэж буйгаар хүн зөвхөн тархиа (аналитик) ажиллуулдаг бол 60 дахин бага хурдаар, 60 дахин хүнд амьдардаг бөгөөд уг үр дүнг 10 гаруй жилийн өмнө хийсэн судалгааныхаа үр дүнд ийм дүгнэлтэд хүрчээ.
Харин Канад улсад мэргэжлээрээ ажиллаж буй көүч, сэтгэл засалч Б.Болормаа дараах аргуудыг хэрэгжүүлж, өөрт тулгарсан бэрхшээлээ даван туулахыг зөвлөж байна.
Арга 1. Одоо цагт анхаарлаа тогтмол хандуулах
- Яг одоо хийж буй зүйлдээ бүрэн анхаарлаа хандуулах
- Бие дээрээ гараа тавих, мэдрэх
- Амьсгалаа мэдрэх
- Ажиглах
Арга 2. Нэг цагт нэг зүйлд төвлөрч ажиллах
- Өглөөг төвлөрч эхлүүлэх
- Flow – илүү аз жаргалтай, бүтээмжтэй
- И-мэйл, нийгмийн сүлжээгээ тогтмол цагт шалгах
- Өдөрт 3 ажил төлөвлөх, гүйцэтгэх
- Ном уншиж дадах
- “Үгүй” гэж хэлж сурах
Арга 3. Тархиа дасгалжуулах
- Оюун санаагаа коммандлах булчин
- Айдсаар хөглөгдөх саботурыг таслан зогсоох
- Мэргэн ухааны, баруун тархины булчингаа идэвхжүүлэх
Арга 4. Сөрөг бодол, сэтгэл хөдлөлийг тухайн мөчид тавьж явуулах
- Биедээ хүрэх
- Үг давтаж хэлэх
- Амьсгалаа удаан авч, гаргах, амьсгалаа сонсох
Арга 5. Бодолдоо хэт ач холбогдол өгөхгүй байх
- Миний хянаж, удирдаж, өөрчилж чадах зүйл юу вэ?
- Дотроо бухимдахын оронд хэнд юуг илэрхийлж, ойлголцох хэрэгтэй вэ?
- Надад ямар боломж байна вэ?
- Хөгжилтэй тал нь юу байна?
- Ямар боломж, шийдэл байна вэ?
- Эндээс юу сурав?
Арга 6. Эрч хүчээр биеэ тэтгэх
- Байнга давтан хийдэг үйлдлийг дадал гэнэ.
- Тэр дадал таны биеийн эрч хүчийг нөхөж эсвэл бууруулж байдаг (Эрч хүчний эх үүсвэр: Нойр, хоол, сэтгэл хөдлөл, мэдрэмж, итгэлцэл бүхий харилцаа, бодлоо удирдах чадамж, дасгал хөдөлгөөн).
Энэ удаагийн “Бизнес цэнэг” вэбинарын үеэр сэтгэл засалч, көүч Б.Болормаа эдгээр аргаас гадна бэрхшээлийг даван туулах нь сэтгэл зүйтэй хэрхэн холбогддог талаар дэлгэрэнгүй тайлбарласан юм. “Бэрхшээлийг бэрхшээл багатай даван туулах нь” сэдвээр зохион байгуулсан уг вэбинарыг бүтнээр үзэх бол энд дарна уу.
Хархорум Дижитал Академи, Business.mn сэтгүүлээс Мягмар гараг бүр зохион байгуулдаг “Бизнес цэнэг” вэбинарын дараагийн зочноор “Юнайтед Карьер Консалтинг” ХХК-ийн Карьер хөгжлийн төвийн захирал Ц.Булган Карьераа хэрхэн төлөвлөх вэ? сэдвээр хичээл орно. Уг вэбинарыг угтаж хийсэн подкастыг эндээс сонсоно уу.
Дараагийн вэбинарт бүртгүүлэх холбоос: karakorum.digital
харилцаж болох эсэх